तोलामा २ सय रुपैयाँले सुनको बढ्यो मूल्य

काठमाडौं । 

बिहीबार नेपाली बजारमा सुनको मूल्य बढेको छ।  नेपाल सुनचाँदी व्यवसायी महासंघका अनुसार आज सुनको मूल्य २ सय रुपैयाँले बढेको हो ।

आज छापावाल सुन प्रतितोला १ लाख १८ हजार ४०० र तेजाबी सुन प्रतितोला १ लाख १७ हजार ८५० रुपैयाँमा कारोबार भइरहेको छ । 

आज सुनको मूल्य बढेपनि चाँदीको मूल्य भने स्थिर छ। बुधबार १३ सय ७५ रूपैयाँमा कारोबार भएको चाँदी, आजपनि सोही मूल्यमा कारोबार भइरहेको छ ।