१३ अर्ब ४ करोडको ट्रेजरी बोलकबोल गर्दै राष्ट्र बैंक

काठमाडौं । 

नेपाल राष्ट्र बैंकले १३ अर्ब ४ करोडको ट्रेजरी बोलकबोल गर्ने भएको छ ।

बैंकले  ९१ दिने र १८२ दिने फागुन २२ गते जारी गर्ने गगरी दुई किसिममा कूल १३ अर्ब ४ करोड ५० लाख रुपैयाँ बराबरको ट्रेजरी बोलकबोल गर्न लागेको हो ।

ट्रेजरीका लागि अनलाइन आवेदन दिन सोमबार दिउँसो ३ बजेसम्मको समय तोकिएको छ । इच्छुक बैंक तथा वित्तीय संस्थाले सो अवधिमा आवेदन दिन सक्नेछन् ।  बैंकको सूचना अनुसार ९१ दिने ट्रेजरीका लागि ६ अर्ब ४ करोड ५० लाख रुपैयाँ छुट्याइएको छ भने १८२ दिनेका लागि ७ अर्ब रुपैयाँ छुट्याइएको छ । उक्त ट्रेजरीको बोलकबोल आज दिउँसो ३ बजे हुनेछ ।

बैंकले ट्रेजरी नयाँ नभएर पुरानै नवीकरण गर्न लागेको हो । केन्द्रीय बैंकले यसअघि फागुन १४ गते १२ अर्ब रुपैयाँ बराबरको ट्रेजरी बिक्री गरेको थियो ।