नेशनल लघुवित्तको साधारण सभा चैत १६ गते,लाभांश वितरण गर्ने प्रस्ताव

काठमाडौं । 

नेशनल लघुवित्त वित्तीय संस्था लिमिटेडको १०औं वार्षिक साधारण सभा चैत १६ गते हुने भएको छ ।  सभामा कम्पनीले गत आर्थिक वर्षको मुनाफाबाट शेयरधनीहरुलाई लाभांश वितरण गर्ने र  ६ लाख ६९ हजार ९००.२७ कित्ता एफपीओ निष्काशन गर्ने प्रस्ताव अघि सारेको छ ।

यसैगरी सभाबाट कम्पनीले गत आर्थिक वर्षको ७.५ प्रतिशतका दरले बोनस शेयर र सोको कर प्रयोजनार्थ ८ करोड १३ लाख १५ हजार ४६६ रुपैयाँ ४६ पैसा नगद लाभांश वितरण गर्नेछ।

बुकक्लोजको मिति कम्पनीले फागुन ३० गतेदेखि चैत १६ गतेसम्म तोकेको छ । सभामा भाग लिन तथा लाभांश पाउन योग्य भने फागुन २९ गतेसम्म नेप्सेमा कारोबार भइ कायम रहने शेयरधनीहरु मात्र हुनेछन् । 

सभा धुलिखेलस्थित धुलिखेल लज रिसोर्टमा बिहान साढे १० बजे शुरु हुने कम्पनीले जनाएको छ।